Усё добрае, прыемнае і шчаслівае хутка мінае. Калі мы ідзём у першы клас, мы і не думаем, што гэта тычыцца школы. Але папытайцеся ў нашых 11-класнікаў, ці хутка праляцелі школьныя гады,    і яны хорам адкажуць вам: “Таааак…” Вельмі хочацца, каб гэтыя гады запомніліся ім менавіта як добры, прыемны і шчаслівы час.

Вось яны, 14 прыгажуноў і 8 прыгажунь, стаяць перад намі. Строгія, падцягнутыя, рослыя хлопцы, усе спрэс джэнтэльмены, рамантычныя, узнёслыя, летуценныя дзяўчаты, сапраўдныя тургенеўскія паненкі. У кожнага за спінай крылы, якія выраслі не без нашай, настаўніцкай, дапамогі. Адзін узмах – і палятуць нашы дарагія кожны сваёй дарогай, кожны сваім шляхам. Хай ён, гэты шлях, будзе добрым, чэсным, шырокім, паспяховым. А мы будзем чакаць добрых вестак ад нашых выпускнікоў і крышачку сумаваць…

А зараз давайце дамо слова самім героям выпуску – надзеі гімназіі, зорнаму класу, нашым выпускнікам.

Сяклюцкая В.В.

Скачать или просмотреть этот номер газеты можно здесь